Қар, тұман, көктайғақ: Қазгидромет наурыздың 1-і күнгі ауа райы болжамын жариялады

АСТАНА. KAZINFORM – «Қазгидромет» РМК-сы наурыздың 1-і күнгі ауа райы болжамын жариялады.

Кәсіпорын таратқан деректерге қарағанда, наурыздың 1-і күні атмосфералық ағындардың өтуіне байланысты еліміздің басым бөлігінде күн құбылмаы болады.

Елдің басым бөлігінде қар жауса, оңтүстікте және оңтүстік-шығыста жаңбыр және қар аралас жаңбыр жауады.

Республика бойынша тұман түседі, елдің оңтүстігінде, оңтүстік батысында, орталығында көктайғақ болып, солтүстікте, оңтүстікте, батыста, орталықта жаяу бұрқасын соғады, республиканың батысында, солтүстігінде жел күшеюі ықтимал.

Осыған дейін күннің бұзылуына байланысты (қатты боран, көру мүмкiндiгiнiң шектелуi) республикалық маңызы бар жолдардың 2 учаскесiнде жүк және қоғамдық автокөлiктер үшiн шектеу енгiзiлгені туралы жаздық.