Қарағанды-Астана тас жолында 1 500-ге жуық көлік кептеліп қалды

ҚАРАҒАНДЫ. KAZINFORM – Теміртаудағы жол ақысын төлеу терминалы маңында кептелісте тұрған 1 500 автокөлікті Қарағанды облысы жол полициясының патрульдік машиналары Ақмола облысының шекарасына дейін ертіп жүрді, деп хабарлайды Kazinform агенттігінің тілшісі. 

Нақтырақ айтар болсақ, оқиға Қарағанды-Астана тас жолында болған. Мұндағы кейбір көліктер кешеден бері кептелісте тұр. 

Жол полициясы қызметкерлерінің басшылығымен сағат 16:00-де автокөліктер елордағаға қарай бағыт алды. Жалпы саны 150 көліктен құралған 10 колонна болды. 

Бұған дейін хабарланғандай, Қарағанды облысында ауа райының қолайсыздығына байланысты жол жабылған болатын. 

Естеріңізге сала кетейік, синоптиктер Астанада және еліміздің 14 облысында күн райына байланысты дауылды ескерту жариялады.