ЖЭО-да апат: Қарағанды қаласы жарықсыз қалды

Қарағанды тұрғындарының басым бөлігі жарықсыз қалды. Жергілікті билік төтенше жағдайды жоюмен айналысып жатыр, деп хабарлайды ҚазАқпарат.

Қазіргі уақытта қанша абонент энергиядан ажырап қалғаны белгісіз. Себебі анықталып жатыр.

«Қорғаныс тетігінің іске қосылуынан ЖЭО-3-те технологиялық ақау туындады, салдарынан 220 кВ-тық Ашық тарату құрылғысы тоқтап қалды. Себебі мен мән-жағдай анықталып жатыр, сондай-ақ жарықсыз қалған абоненттер саны да нақтылануда», - деді қала әкімдігінің баспасөз қызметінде.

Кешегі нөсер жауынның төтенше жағдайға қатысы бар-жоғы әзірге белгісіз. Еске салсақ, Қарағандының бірнеше көшесі су астында қалған болатын.