Қарағанды облысындағы «Саяқ-3» шахтасында екі қызметкер қаза тапты

ҚАРАҒАНДЫ. KAZINFORM — Оқиға туралы «Қазақмыс» баспасөз қызметі хабарлады. Кеншілер көміртегі газынан уланып, қаза тапты, деп хабарлайды Кazinform агенттігінің тілшісі.

Кеше Қарағанды облысындағы «Саяқ-3» шахтасында жазатайым оқиға болды. Шахтада көміртегі газы атылды. 

«Барлық қызметкерлерді жедел эвакуациялау жүргізілді. Зардап шеккендер жақын маңдағы медициналық мекемелерге жеткізілді. Өкінішке орай, екі қызметкер қайтыс болды», — деп хабарлады компанияның баспасөз қызметі.

Оқиғаның мән-жайы мен себептері анықталуда. Қазіргі уақытта қайғылы оқиғаны тергеу жөніндегі арнайы комиссия құрылды.

Сондай-ақ, компания қазс тапқандардың отбасыларына барлық қажетті көмек көрсетілетінін айтты.

Еске сала кетейік, бұған дейін Шығыс Қазақстан облысындағы «Артемьев» шахтасында үстіне тас құлаған жұмысшы көз жұмған болатын.

Оған дейін тағы сол Шығыс Қазақстан облысындағы «Ертіс» шахтасында 4 адам қаза тапты.