Қарағанды облысының Топар кентінде сібір жарасы пайда болды

Қарағанды облысының Топар кентінде карантин жарияланды. Елде мекенде сібір жарасы анықталды, деп хабарлайды Kazinform агенттігінің тілшісі.

Бүгін таңертең Топар кентінің әкімдігі жергілікті тұрғындарға елді мекенде карантин жарияланғанын хабарлады.

Билік өкілдерінің мәлімдеуінше, ауылда сібір жарасы анықталған. Сол себепті кентке Абай қаласынан кіре берістегі көліктерді санитарлық өңдеуге арналған бағана орнатылған.  

«Мал мен сүт өнімдерін әкелуге және әкетуге, мал союға және аумақтан жемшөп пен жемшөп қоспаларын әкетуге тыйым салынады. Аулалардың бірінде сібір жарасының анықталғандығына байланысты осы шаралар жүзеге асырылуда. Барлық қажетті ветеринариялық және санитариялық - эпидемиологиялық іс-шаралар жүргізіледі. Жағдай уәкілетті қызметтердің бақылауында», - деп мәлімдеді Топар кентінің әкімдігінде.

Жергілікті билік халықтан дүрбелең тудырмауын өтініп, қандай да бір сұрақтар туындаса келесі телефон нөмірлеріне хабарласуды сұрайды: (72131) 44800, 87780090090