«Қарағанды-Абай» тас жолында 3 жастағы бүлдіршін мен жігіт ажал құшты

АСТАНА. 31 мамыр. ҚазАқпарат - 30 мамыр күні «Қарағанды-Абай» автожолында «Тойота-Камри» көлігінің 26 жастағы жүргізушісі қарсы бағытқа шығып, басқару тетігіне ие бола алмай, көліктің жыраға аударылуына жол берді.

Бұл туралы Қарағанды облыстық ІІД баспасөз қызметінен хабарлады.

Апат салдарынан 3 жастағы бүлдіршін алған жарақаттардан оқиға орнында көз жұмды. 26 жастағы жігіт Абай қаласының орталық ауруханасының жан сақтау бөлімінде жан тәсілім етті.

Жүргізушіге және тағы бір жолаушыға медициналық көмек көрсетіліп, олар үйлеріне жіберілді. Оқиға бойынша тергеу жұмыстары жүргізілуде.