Қарағанды облысынан шығатын барлық жолдар жабылды
ҚАРАҒАНДЫ. ҚазАқпарат – Ауа райының бұзылуына байланысты Қарағанды облысының автожолдарында көліктің барлық түрі үшін қозғалысқа тыйым салынды, деп хабарлайды ҚазАқпарат.
«ҚазАвтоЖол» ҰК» АҚ мәліметіне сәйкес, көктайғақ пен жаяу бұрқасынға байланысты 7 ақпан, сағат 00.07-ден бастап көліктің барлық түрі үшін барлық бағыттағы жолдар қозғалыс үшін жабылды», - делінген Қарағанды облыстық Төтенше жағдайлар департаментінің хабарламасында.
Бұған дейін келесі автожолдар жабылған болатын:
- «Жезқазған - Петропавл» (24-252 км, Сатбаев қаласы - Қостанай облысының шекарасы);
- «Қызылорда - Павлодар» (433-750 км, Жезқазған қаласы - Атасу кенті).
Сондай-ақ мына жолдарда қозғалысқа тыйым салынды:
Атап айтқанда: - «Екатеринбор-Алматы» автожолының 917-1247 шақырым аралығы (Жақсы кенті - Нұр-Сұлтан қаласы);
- «Қостанай-Әулиекөл-Сұрған» автожолының 232-260 шақырым аралығы (Қостанай облысы шекарасы - Сурган кенті);
- «Жезқазған Петропавл» автожолының 337-595 шақырым аралығы (Қостанай және Солтүстік Қазақстан облыстары шекарасы);
- «Жақсы-Есіл-Бұзылық» автожолының 0-65 шақырым аралығы (Жақсы-Есіл).
Синоптиктер республиканың барлық дерлік өңірінде ескерту жариялады.
