Қарағанды облысында дабылды ескерту жарияланды

ҚАРАҒАНДЫ. ҚазАқпарат - «Қазгидромет» РМК деректері бойынша Қарағанды облысында 4 қарашада жауын-шашын, күшті жел (облыстың оңтүстік және оңтүстік-шығысында басымырақ) болады деп күтіледі, деп хабарлайды өңірдің ТЖД баспасөз қызметі.

Солтүстік батыстан 15-20 м/с, облыстың оңтүстік және оңтүстік-шығысында 18-23 м/с жел соғып, ұйытқуы 30 м/с-тан астам болады. Кей жерлерде тұман түседі (облыстың солтүстігінде басым), көктайғақ болады (облыстың оңтүстігінде басым). 

Синоптиктер жергілікті тұрғындарға мұқият болуды, ауа-райының өзгеруі туралы ақпаратқа құлақ асып, балаларды қараусыз қалдырмауды; ауа-райының қарай киінуді; ауа-райы бұзылған кезде әсіресе түнде ұзақ жолға немесе алыс сапарға шығудан бас тарта тұруды ұсынды.