Қарағанды облысында жалған билет сатушы ұсталды

АСТАНА. KAZINFORM – Қарағанды облысы Шахтинск қаласының полициясына жергілікті тұрғын алаяқтық құрбаны болғаны туралы хабарлады. Әйел адам алдын ала жалпы құны 240 мың теңге болатын төрт әуе билетін сатып алған. Бұл туралы Polisia.kz мәлім етті.  

Алайда, әуежайда тіркелу кезінде екі билеттің сатып алу күші жойылғаны анықталды. Саяхаттың бұзылуына байланысты моральдық шығыннан басқа, материалдық шығын 140 мың теңге болған. 

Жүргізілген тергеу іс-шаралары 53 жастағы күдіктіні анықтауға және ұстауға мүмкіндік берді. Билет сатушы жасаған ісін мойындады.

Тергеу барысында полиция қызметкерлері осындай жағдайға тап болған тағы 16 жәбірленушіні анықтады. Олардың да сол сатушыдан сатып алынған теміржол билеттерінің күші жойылған.

Тергеу анықтағандай, жәбірленушілерге келтірілген жалпы шығын 2 миллион теңгеден асады.

Қазіргі уақытта тергеу аяқталып, қылмыстық іс материалдары сотқа жіберуге дайындалып жатыр.

Айта кетсек, Сауда және интеграция министрлігінің Техникалық реттеу және метрология комитеті алаяқтардың КТРМ қызметкерлері ретінде өздерін таныстырып, соның ішінде техникалық реттеу бойынша «Е-КТРМ» ақпараттық жүйесімен жұмыс істеуге көмек көрсету туралы жалған ақпарат тарату жағдайларының жиілегенін хабарлады.