Қарағандыда 9 жастағы бала спиннердің сақинасын жұтып қойды

ҚАРАҒАНДЫ. ҚазАқпарат -  Қарағандыда балалар ауруханасында спиннердің сақинасын жұтып қойған 9 жастағы ер балаға жедел түрде ота жасады, деп хабарлады «ҚазАқпарат» ХАА тілшісі.

Ойнап отырған бала ойыншықты бұзған да сақинасын аузына салған. Темір затты жұтып қойғанын ол бірден ата-анасына айтады. Олар баланы дереу ауруханаға жеткізген. «Сақина бүлдіршіннің асқазанында болған. Ата-аналарының келісімімен балаға отаны наркоздың көмегімен жасады.

Хирург ішін екі саниметрге, ал асқазанын бір сантиметр кесті», - деді денсаулық сақтау басқармасының баспасөз хатшысы Айжан Иса.

Бала отаны жақсы көтерді. Қазір ол дәрігерлердің бақылауында.