Қарағандыда тұрғындар үшін тегін компьютерлік сауаттылық курстары ұйымдастырылды

ҚАРАҒАНДЫ. 22 қаңтар. ҚазАқпарат - 1 ақпаннан бастап Қарағандыда тұрғындар үшін тегін компьютерлік сауаттылық курстары ашылады, деп хабарлады қала әкімінің баспасөз қызметінен.

«Мемлекет басшысы Нұрсұлтан Назарбаевтың тұрғындардың компьютерлік сауаттылығын арттыру жөніндегі тапсырмасын орындау мақсатында Қарағанды қаласы әкімдігінің қолдауымен 2013 жылдың 1 ақпанынан 30 сәуіріне дейін қалалық білім беру мекемелерінде 14-74 жас аралығындағы азаматтар үшін тегін компьютерлік сауаттылық курстары өткізіледі, одан өткендер сертификат алады», - делінеді хабарламада.

Қалалық әкімдіктің ақпаратынша, курстар қаланың түрлі жерлерінде ұйымдастырылды, жобаға 25 орта мектеп пен гимназия жұмылдырылды.