Қарағандыда түтін газдарын тазалайтын эксперименттік қондырғы өртенді

ҚАРАҒАНДЫ. 10 ақпан. ҚазАқпарат /Валентина Елизарова/ - Қарағандыда «Absolute Kazakstan Produktion» компаниясының эксперименттік цехында өрт болды,

деп хабарлайды Қарағанды облыстық төтенше жағдайлар департаментінің баспасөз қызметі.

«Өрт сөндірушілерге 2011 жылдың 9 ақпаны күні сағат 11.08-де өрт туралы хабар келіп түсті. Жалын басталған жерге келгенде 2 қабатты эксперименттік цехтың ішіндегі технологиялық құрылғылар, түтін газдарын тазалайтын қондырғы мен жалпы ауданы 30 шаршы метрді құрайтын жақтаулар жанып жатты», - деп ақпараттандырды облыстық ТЖД баспасөз қызметі.

Баспасөз қызметінің мәліметінше, қаза тапқандар мен зардап шеккендер жоқ, тілсіз жау 35 минут ішінде ауыздықталды.