Қарағандыда велосипед фестивалі өтеді

АСТАНА. ҚазАқпарат - 8 маусымда Қарағандыда «Қарағанды-VeloCity» велосипед фестивалі осымен жетінші рет бүкіләлемдік қоршаған ортаны қорғау күніне орайластырылып өтеді, деп хабарлады sports.kz.

Фестиваль велосипед мәдениеті мен инфрақұрылымын көпшілікке тарату, ресурстарды, энергия үнемдеу және қоршаған ортаның ластануы мәселесіне қоғамның назарын аударту мақсатымен өткізілмек.

Биылғы жылы фестиваль Орталық мәдениет және демалыс саябағында өтеді. Ұйымдастырушылар «Пятый угол» музыкалық тобының қатысуымен концерт пен түрлі жарыстар дайындап жатыр. Спорттық, сондай-ақ, әзіл-сықаққа құрылған байқаулар өтеді. Мәселен, өз велосипедін кім көп көтереді, немесе аз жылдамдықта белгілі бір аралықты өтіп, велосипедтен құламау сияқты сындар күтіп тұр. Сонымен бірге, шағын жарыс та ұйымдастырылады.