Қарағандыда жолда келе жатып отқа оранған автокөлік ішіндегі үш адам, соның ішінде үш жасар бір бала зардап шекті

ҚАРАҒАНДЫ. Қыркүйектің 14-і. ҚазАқпарат /Валентина Елизарова/ - Қарағанды облысында жолда келе жатып отқа оранған «Ниссан-Магистраль» маркалы көлік ішіндегі 42 жастағы ер адам, 43 жастағы әйел мен үш жастағы қыз бала зардап шекті, деп хабарлайды сейсенбі, қыркүйектің 14-і күні Қарағанды облысы төтенше жағдайлар департаментінің баспасөз қызметі.

Кешкі сағат онның шамасында болған төтенше оқиғаның себебі көлік ішінде тасымалданып келе жатқан кішкентай көлемдегі газ баллоны болуы мүмкін. «Жалпы аумағы 6 шаршы метр болатын автокөлік бөліктері жанып кеткен. Өрт салдарынан 1968 жылы туған автокөлік жүргізушісін, көлік жолаушысы - 1967 жылы туған әйел адамды және оның 2007 жылы дүниеге келген үш жасар қыз баласын күйік шалып, олар ауруханаға жеткізілді. Өрт облыстық ТЖД өрт сөндіру қызметі мен апаттық-құтқару жұмыстарының арқасында 17 минут ішінде сөндірілді», - деп ақпараттандырды облыстық ТЖД баспасөз қызметі.