Қарағандыда жүк көлігі аялдамадағы екі жігітті қағып кетіп, олардың бірі ауруханада көз жұмды

ҚАРАҒАНДЫ. Қыркүйектің 22-сі. ҚазАқпарат /Валентина Елизарова/ - Қарағандыдағы Достық көшесінде «Ниссан» жүк көлігінің жүргізушісі аялдамада автобус күтіп тұрған екі жігітті қағып кетті,

деп хабарлады сәрсенбі, қыркүйектің 22-сі күні Қарағанды облысы Төтенше жағдайлар департаментінің баспасөз қызметі.

Жол-көлік апатынан жарақаттанған 25 және 26 жастағы екі жігіт Қарағандының теміржол ауруханасына жеткізілген. «Олардың бірі - 26 жастағы азамат алған жарақатынан ауруханада көз жұмды», - делінген облыстық ТДЖ баспасөз қызметі таратқан ақпаратта.