Қарағандылық әйел 5 баласымен бірге иіс тиіп уланды, бір перзенті көз жұмды

АСТАНА. ҚазАқпарат - Қарағанды облысында 3 жасар бала ыс тиіп, қайтыс болды, деп хабарлайды ҚазАқпарат «Хабар 24» телеарнасына сілтеме жасап.

Қайғылы оқиға Қарқаралы ауданының Егіндібұлақ ауылында болды.

«Жекеменшік үйде алдын ала мәлімет бойынша, пештегі ақау салдарынан 6 адам иіс тиіп уланды, үш жасар бала қаза тапты. Тағы төрт бала анасымен бірге ауруханаға жеткізілді», - деп мәлімдеді Қарағанды облыстық ТЖД-дан.