18:30, 28 Тамыз 2014 | GMT +5
Қарамұртта болған жаппай төбелеске қатысты қылмыстық іс қозғалды
АСТАНА. ҚазАқпарат - Оңтүстік Қазақстан облысы Қарамұрт ауылында болған жаппай төбелеске қатысты қылмыстық іс қозғалды. Бұл туралы «ҚазАқпарат» тілшісіне ОҚО ІІД-нен хабарлады.

«Біз қазір БАҚ-қа ресми хабарлама дайындап жатырмыз. Аталмыш оқиғаға байланысты ҚР ҚК 257 бабы «Бұзақылық» бойынша қылмыстық іс қозғалды», - деп хабарлады баспасөз қызметінен.
Айта кетейік, бүгін бірқатар БАҚ-та сәрсенбі күні Қарамұрт ауылында жаппай төбелес салдарынан 17 көлік пен 8 дүкен қиратылды және 4 адам жарақаттанғаны хабарлаған болатын.
Қазіргі уақытта оқиғаның мән-жайы анықталуда.