Қарашаның қара суығы бұрқасынға ұласады

АЛМАТЫ. KAZINFORM — «Қазгидромет» РМҚ 8 қарашаға арналған ауа райы болжамын жариялады. 

Синоптиктердің болжамынша, Атлант мұхитының циклоны әсерінен Қазақстанның басым бөлігінде ауа райы тұрақсыз болады, жаңбыр мен қар түрінде жауын-шашын күтіледі, тұман, көктайғақ және төменгі бұрқасынмен бірге желдің күшеюі болжанады. Тек республиканың оңтүстігі мен оңтүстік-шығысында жауын-шашынсыз ауа райы күтіледі.

Ауа температурасының негізгі фоны күндіз батыс өңірлерде +5…+15°С, солтүстік-батыста 0…+10°С, солтүстік, шығыс және орталық аймақтарда -3…+2°С, ал оңтүстік және оңтүстік-шығыста +5…+15°С шамасында болады.

Ауа райының қолайсыздығына байланысты, Астанадағы көлік кептелісі 10 балға жетті.