ҚарМТУ-де осы оқу орнының негізін қалаушы Әбілқас Сағыновқа ескерткіш орнатылды

ҚАРАҒАНДЫ. Маусымның 24-і. ҚазАқпарат /Валентина Елизарова/ - Қарағанды облысында танымал ғалым, Социалистік Еңбек Ері, ҚКСР Мемлекеттік сыйлығының екі мәрте лауреаты атанған,

Қарағанды Мемлекеттік техникалық университетінің негізін қалаушы, академик Әбілқас Сағыновтың 95 жылдығына арналған мерекелік шаралар өтіп жатыр.

Бейсенбі, маусымның 24-і күні Қарқаралыда «Сағынов оқулары» атанып кеткен «Ғылым мен білім - «Қазақстан - 2030» бағдарламасының негізгі факторлары» атты дәстүрлі халықаралық конференция болады.

Кеше, маусымның 23-і күні ҚарМТУ-де Ә.Сағыновты еске алуға арналған салтанатты мерекелік шара өтті. Халықаралық конференцияға келген қазақстандық және шетелдік қонақтардың қатысуымен академик Ә. Сағыновтың ескерткіші ашылды.