ҚарМТУ жастары «Әр студент - туған ауылына» атты акцияға белсенді қатысуда

ҚАРАҒАНДЫ. Маусымның 22-сі. ҚазАқпарат /Валентина Елизарова/ - Қарағанды мемлекеттік техникалық университеті «Ауылдың гүлденуі - Қазақстанның гүлденуі» жобасы аясындағы «Ауыл жастары» жалпыұлттық бастамасы мен «Әр студент - туған ауылына» атты акцияға белсенді қатысып келеді, деп хабарлады ЖОО.

Екі мыңнан астам бірінші және екінші курс студенттері «Политехник» студенттердің құрылыс жасақтары мен «Жасыл ел» отрядтарымен бірге ауылға аттанып, елді мекендердің дамуына үлес қосады.

ҚазМТУ ұжымы Мемлекет басшысының үндеуіне қосылып, су тасқынынан зардап шеккен Тарбағатай және Шығыс Қазақстан облыстарына көмек көрсеткен. Көмек қорына студенттер мен қызметкерлер жалақылары мен шәкіртақыларынан жалпы көлемі 1,4 млн. теңге көлемінде ақша аударылды.