«Қару-2013» іс-шарасында заңсыз сақталған 32 қару тәркіленді
АСТАНА. 31 наурыз. ҚазАқпарат - Елорда аумағында «Қару-2013» шұғыл алдын алу іс-шарасы өткізілді, деп хабарлайды astana.kz қалалық ІІД баспасөз қызметіне сілтеме жасап.
Ведомстводан хабарлағанындай, іс-шара қаладағы жағдайды тұрақтандыру қылмыстың және қару-жарақ пен жарылғыш заттарды қолданумен жасалатын қылмыстардың алдын алу мақсатында өткізілуде.
Полицейлер 604 қару сақтайтын азамттарды тексерді. Қорытындысында заңсыз қару-жарақ сақталған, алып жүрген және уақытында есепке қоймаған 29 факт анықталды. 25 адам әкімшілік жауапкершілікке тартылды.
ІІД мәліметі бойынша, іс-шара кезінде заңсыз сақталған 32 қару тәркіленді.
Қолданған шаралардың арқасында 4 оқты қару, 3 шолақ мылтық, 1 газбен атылатын тапаншаны заңсыз сақтау фактісі анықталып, олар айналымнан алынды.
Баспасөз қызметі заңсыз қару сақтаған барлық фактілер бойынша тексеру жүргізіп, сараптау жұмыстары тағайындалғанын атап көрсетеді.
