KASE: Доллар бағамы көтерілді

АЛМАТЫ. KAZINFORM – Қазақстан қор биржасындағы (KASE) сауда-саттық қорытындысы бойынша 1 доллардың теңгеге шаққандағы бағамы өсті.

KASE қор нарығындағы күндізгі сауда қорытындысы бойынша доллар бағамы 0,91 теңгеге қымбаттады.

Бір АҚШ долларының орташа бағамы – 492,65 теңге.

Kurs.kz мәліметінше,қазіргі уақытта Алматының ақша айырбастау пункттерінде доллар 494,1 теңгеден сатылып жатыр, сатып алу бағамы – 495,9 теңге.Еуро 526 — 530 теңге аралығында саудалануда.

Ал, Астана қаласы бойынша сату бағамы – 492 теңге, сатып алу құны – 497 теңге.Еуро 527 теңгеден сатылып, 533 теңгеден сатып алынады.

Ресей рублі 4,99 – 5,11 теңге аралығында саудаланып жатыр.

Ұлттық банктің 11 қарашаға арналған ресми бағамы — 1 долларға 491,71 теңге.Ресей рублінің орташа сараланған құны — 5,05 теңге.Еуро — 529,97.

Осыған дейін отандық қаржы сарапшылары теңгенің долларға шаққандағы бағамына қатысты өз ойларын айтты. 

Қаржыгер Расул Рысмамбетов қазір теңгенің әлсіреуі АҚШ-тағы сайлаудың нәтижесі емес, ең алдымен ішкі экономикалық факторларға байланысты деп есептейді.

Сондай-ақ Ұлттық банк төрағасы Тимур Сүлейменов доллар курсына қатысты пікір білдірген еді.