KASE кешкі сессиясының қорытындысы: АҚШ доллары = 146,95 теңге

АЛМАТЫ. Маусымның 1-і. ҚазАқпарат - Қазақстан қор биржасында (KASE) кешкі сауда сессиясы аяқталды, оған KASE-нің «В» санатындағы 10 мүшесі қатысты, деп хабарлады биржаның баспасөз қызметі.

Кешкі сауда сессиясы АҚШ доллары бойынша Т+1 есептерімен теңгемен (USDKZT_TOM), еуро бойынша Т+1 есептерімен теңгемен (EURKZT_TOM), еуро бойынша Т+1 есептерімен АҚШ долларымен (EURUSD_TOM), АҚШ доллары бойынша Т+2 есептерімен теңгемен (USDKZT_SPT), еуро бойынша Т+2 есептерімен теңгемен (EURKZT_SPT), еуро бойынша Т+2 есептерімен АҚШ долларымен (EURUSD_SPT) жасалды.

Т+1 есебімен АҚШ долларының орташа бағамы 1 доллар үшін 146,95 теңгені құрап, сауда көлемі 3 000 мың АҚШ доллары болды.

Т+2 есептерімен теңгемен АҚШ долларының орташа бағамы бір АҚШ доллары үшін 146,62 теңгені құрады, сауда көлемі - 11 000 АҚШ доллары.

Т+1 есебімен АҚШ долларында еуроның орташа бағамы бір еуро үшін 1,2268 АҚШ долларын құрады, сауда көлемі - 400 мың еуро болды.

Т+2 есептерімен еуро бойынша теңгемен және АҚШ долларымен сауда жасалмады. Сұраныс пен ұсыныс болған жоқ.