Қашаған кен орнында бұрғылау жұмыстары аяқталды

АТЫРАУ. ҚазАқпарат - Атырау облысында Қашаған теңіз кен орнында бұрғылау жұмыстары аяқталды, деп хабарлайды ҚазАқпарат тілшісі. 

«Қашаған кен орнында жаңа ұңғымаларды іске қосып, қосымша бұрғылау орталықтарын іске қосу және жөндеу жұмыстарын жүргіздік. Жобаның осы кезеңінде барлығы 40 ұңғыма бұрғыланды. Ал жасанды аралында олардың саны - 8, D аралында - 12, Е, Р және С шағын аралдарында жалпы 20 ұңғыма бұрғыланды. Қазіргі кезде бұрғылау жұмыстары аяқталды», - дейді North Caspian Operating Company N.V. (NCOC) консорциумының басқарушы директоры Бруно Жарден.

Еске сала кетейік, Қашаған кен орнынан мұнай өндіру 2016 жылдың қыркүйегінде басталды. Осыған дейін 11,5 миллион тонна мұнай алынған. Компания биылғы көрсеткішті 8 миллионнан асыруды жоспарлап отыр.