Қасым-Жомарт Тоқаев пен Режеп Тайип Ердоғанмен келіссөз жүргізді

АНКАРА. KAZINFORM – Мемлекет басшысы Қасым-Жомарт Тоқаев Түркия Президенті Режеп Тайип Ердоғанмен келіссөз жүргізді. Бұл туралы Ақорданың баспасөз қызметі хабарлады. 

Президенттер Қазақстан мен Түркия арасындағы стратегиялық серіктестікті одан әрі дамыту перспективасын жан жақты талқылады.

Сондай-ақ сауда-экономикалық, инвестициялық және мәдени-гуманитарлық ынтымақтастықты нығайтуға баса мән берілді.

Фото: Ақорда

Қасым-Жомарт Тоқаев қонақжайлық танытқаны үшін Түркия Президентіне алғыс айтты. 

Өз кезегінде Режеп Тайип Ердоған екі ел арасындағы қарым-қатынасты жаңа әрі сапалы деңгейге шығаруға дайын екенін растады. 

Еске сала кетейік, бұған дейін Мемлекет басшысын Анкарадағы Президент сарайында салтанатты қарсы алу рәсімі өтті.