Қасым-Жомарт Тоқаев пен Шавкат Мирзиёев телефон арқылы сөйлесті

АСТАНА. KAZINFORM – Президенттер бір-бірін келе жатқан Наурыз мейрамымен құттықтап, бауырлас халықтарға бақ-береке тіледі. Бұл туралы Ақорда мәлім етті. 

— Мемлекет басшысы әңгімелесу барысында екіжақты ынтымақтастықтың даму қарқыны жоғары екенін атап өтіп, оның Қазақстан мен Өзбекстан арасындағы стратегиялық серіктестік пен одақтастық қатынастардың деңгейіне толық сай келетінін жеткізді, — делінген хабарламада.

Тараптар сауда-экономикалық, инвестициялық және мәдени-гуманитарлық ықпалдастықты одан әрі тереңдетуге ниетті екендерін растады. 

Сондай-ақ алдағы уақытқа жоспарланған кездесулер кестесін талқылады.

Еске сала кетейік, бұған дейін мемлекет басшысының Жарлығымен  Атом энергиясы жөніндегі агенттік құрылғанын жазған болатынбыз.