Қасым-Жомарт Тоқаев жаңа тағайындалған Алматы әкіміне бірқатар міндет жүктеді
АСТАНА. KAZINFORM - Мемлекет басшысы Алматы қаласының жаңадан тағайындалған әкімі Дархан Сатыбалдыны қабылдады, деп хабарлайды Ақорданың баспасөз қызметі.
Президентке қала әкімі алдағы жұмыстың басым бағыттары, соның ішінде әлеуметтік-экономикалық даму, қала экологиясын оңалту және шаһар тұрғындарының тұрмыс сапасын арттыру жөніндегі жоспары туралы баяндады.
Қасым-Жомарт Тоқаев мегаполисті дамытудың негізгі міндеттерін айқындады.
Атап айтқанда, тұрақты экономикалық өсімді қамтамасыз ету, экономиканы әртараптандыру, қаланың инфрақұрылымын кешенді түрде жаңғырту, сондай-ақ жол-көлік желісінің жағдайын жақсарту, экологиялық мәселелерді шешу сияқты бірқатар нақты тапсырма берді.
Осыған дейін Президенттің мемлекеттік наградалар тапсырғаны туралы жаздық.
