Каспий бойы елдерінің шекара қызметтері бірлескен жаттығу өткізеді

БАКУ. 18 қараша. ҚазАқпарат /Берік Хамидов/ - Қазақстан, Әзірбайжан, Ресей, Түрікменстан және Иран елдерінің шекара қызметтері бірлескен жаттығу өткізеді.

Бұл туралы бүгін журналистерге Бакуде Ресей Федералды қауіпсіздік қызметі Аймақтық шекара басқармасының бастығы, генерал-полковник Николай Лисинский мәлім етті.

«Осы мәселе бойынша алдағы уақытта Мәскеуде бес елдің шекара ведомстволары басшыларының қатысуымен келіссөздер өтпек. Біз Әзірбайжанмен екіжақты қарым-қатынастар форматына шығып, осы жаттығуға Қазақстан, Түрікменстан және Иран елдерін тартуға мүдделіміз», - деді Н.Лисинский.