Каспий теңізінде кеме жүзетін арна салынады

АТЫРАУ. 13 наурыз. ҚазАқпарат - Атырауда қоғамдық тыңдаулар өтіп, онда Каспий теңізі бойынша жүктерді тасымалдау бағыты талқыланды.

«ҚазМұнайГаз» ҰК-ның еншілес компаниясы «ТеңізСервис» ЖШС-нің мамандары Солтүстік Каспийдің оңтүстік-шығыс бөлігінде теңіз түбімен қашықтығы 50 шақырым және тереңдігі 5 метр болатын кеме жүзетін арнаны қазу жоспарланып отырғанын жеткізді.

Жоба Қашаған, Сәтбаев, Жамбыл, Теңіз сынды жердегі және теңіздегі кен орындарды игерумен айналысатын компанияларға бағдарланған. Әлеуетті серіктестер - НКОК, ТШО, ҚМГ компаниялары. Жобаны іске асыру мерзімі - 2013-2015 жылдар.