Каспийден заңсыз балық аулағандар ұсталды

АСТАНА. 7 қараша. ҚазАқпарат - ҚР ҰҚК Шекара қызметінің «Жағалау күзеті» өңірлік басқармасының шекарашылары Қосашы мүйісінің маңында заңсыз балық аулап жүрген екі браконьерді ұстады.

Ұсталған қазақстандық азаматтардың «Тойота Хайлюкс» автокөлігін қарау кезінде одан «КМН 0864» қайығы мен кефаль балығы табылды. Сондай-ақ олардың теңізге шығатын рұқсаттары да болмай шықты.

Ұсталғандар әкімшілік жауапкершілікке тартылды. Бұл туралы ҚР ҰҚК ШҚ баспасөз қызметінен хабарлады.