Қасым-Жомарт Тоқаев Әзербайжанның жалпыұлттық көшбасшысының зиратына гүл шоғын қойды

НҰР-СҰЛТАН. ҚазАқпарат - Қасым-Жомарт Тоқаев Әзербайжанның жалпыұлттық көшбасшысының зиратына гүл шоғын қойды, деп хабарлайды Ақорданың баспасөз қызметі.

Мемлекет басшысы Әзербайжанға ресми сапары кезінде осы елдің жалпыұлттық көшбасшысы Гейдар Әлиев пен оның жұбайы Зарифа Әлиеваның бейітіне гүл шоғын қою рәсіміне қатысты.

Қазақстан Президенті бұдан кейін Әзербайжанның азаттығы мен территория тұтастығы үшін қаза тапқан жауынгерлер жерленген Шаһиттер аллеясындағы мәңгілік алауға да гүл шоғын қойды.

Фото: akorda.kz