Қасым-Жомарт Тоқаев пен Ильхам Әлиев Баку көшелерінде серуендеді

НҰР-СҰЛТАН. ҚазАқпарат - Қазақстан мен Әзербайжан президенттері Каспий теңізінің жағасын аралап көріп, мұнда орнатылған қазақтың киіз үйіне кірді, деп хабарлайды ҚазАқпарат БОРТ№1 Telegram каналына сілтеме жасап.

Айта кетейік, бүгін Мемлекет басшысы Қасым-Жомарт Тоқаев ресми сапармен Әзербайжанға барды.

Әзербайжан Президенті Қасым-Жомарт Тоқаевты «Загульба» резиденциясында қарсы алды.

Мемлекет басшысы Бакуде Ильхам Әлиевпен кездесті .

Қасым-Жомарт Тоқаев Әзербайжан Президентін «Алтын Қыран» орденімен марапаттады.

Сондай-ақ Қасым-Жомарт Тоқаев пен Ильхам Әлиев кеңейтілген құрамда келіссөз жүргізді.

Екі ел арасында маңызды 10 құжатқа қол қойылды.

Президенттер келіссөздер қорытындысы бойынша мәлімдеме жасады.

Фото: t.me/bort_01