Каталониядағы аш құрсақ ешкілер Испаниядағы орман өртімен күресуге көмектесе бастады

АСТАНА. KAZINFORM — Жаз сайын Оңтүстік Еуропа елдерінде аптап ыстық климаттың өзгеруіне байланысты орман өртіне себеп болып, кең аумақтарды күлге айналдырады. Алайда былтыр Каталонияда жүзжылдықтағы үшінші қатты құрғақшылыққа қарамастан, өрттің саны азайған. Өңірлік үкімет мұны өртке қарсы қауіпсіздік шараларының жақсарғанымен түсіндіреді. Бұл шаралардың бірі — ешкілер, деп жазды АЗЕРТАДЖ.

Каталонияның солтүстігіндегі тас жолмен шамамен 300 қара, қоңыр және шұбар ешкі қоңырау үнімен жүреді. Олар анда-санда тоқтап, орман шетіндегі құрғақ бұталарды сүйсініп жейді. Қала-қалаларды аралап көшіп жүретін бұл табын — Матаро қаласында басталған пилоттық жобаның бір бөлігі. Бұл жоба орман өртінің қаупін азайтуға бағытталған Еуропалық Одақ қаржыландыратын ауқымды бастаманың құрамына кіреді, деп жазады Reuters.

Ешкілер — ашқарақ әрі тікенді өсімдіктерді, кактус пен ошаған сияқты бұталарды да жей беретін жануар. Сондықтан олар ормандағы жанғыш материалдарды — бұта-бөрік пен өсімдіктерді — табиғи өртке қарсы жолақтарға айналдыру үшін таптырмас көмекші.

Ормандардағы жанғыш астыңғы қабатты тазарту үшін малды пайдалану тәжірибесі бірнеше ғасырдан бері бар. Алайда қазіргі уақытта көптеген фермерлер техникаға сүйеніп кеткен. Дегенмен кейбіреулері қайтадан экологиялық таза ауыл шаруашылығы әдістерін іздеп, ешкі мен басқа да жануарларға оралуда. Мысалы, Испанияның Галисия өңірінде бұл қызметті жабайы жылқылар атқарады.

Шопандар өз қызметтері үшін кейбір қалалар мен ауылдардан жалақы алады, ал олардың ешкілерінің сүтін әсіресе ірімшік өндірушілер жоғары бағалайды. Бірақ бұл табыс көздері малшыларды салық пен санитарлық нормаларға қатысты қосымша бюрократиялық қиындықтарға да тап қылып отыр. 

Үнемі қозғалыста жүретін бұл жануарлар әртүрлі өсімдіктермен қоректенеді және қосымша жемді қажет етпейді. Соның нәтижесінде маусымға қарай дәмі өзгеретін, тәттірек, майлырақ әрі ақуызы көп құрт (творог) алынады.

Ал сүт пен қалалық әкімдіктерден түсетін табыс орман өрттерінің алдын алуға бағытталған бағдарламалар аясында заманауи құрал-жабдықтар сатып алуға жұмсалады.

Бұған дейін хабарланғандай, Испания халқының саны 49,3 миллион адамнан асты.