Қатар-2022: Килиан Мбаппе сегіз гол соғып, үздік сұрмерген атанды
Франциялық шабуылшы дүбірлі додада жеті ойында 8 гол соғып, әлем чемпионатының үздік сұрмергені атанды.
Ол топтық кезеңде Австралияға (4:1) бір, Данияға (2:1) екі гол соқты. Ал 1/8 финалда Польшамен (2:1) кездесуде екі мәрте мергендік танытты.
Сондай-ақ, ол бүгін финалда Аргентинамен кездесуінде тағы үш мәрте гол соқты. Осылайша сұрмергендер көшінде сегіз голмен жеке-дара көш бастады.
Сұрмермергендер көшінде одан кейін аргентиналық Месси жеті голмен екінші орында тұр. Ал аргентиналық Хулиан Альварес пен франциялық Оливье Жиру төрт-төрттен мергендік танытқан.
Әлем чемпионаты финалдық сатысында барлығы 115 футболшы голдың авторы атанды.
Айта кетсек, дәл қазір финалдағы Аргентина мен Франция кездесуінің негізгі және қосымша кезеңдері аяқталды. Есеп 3:3. Жеңімпаз пенальти тебу арқылы анықталады.
Еске салсақ, қазірге дейінгі 10 кездесудің 7-інде Оңтүстік Америка құрлығының өкілдері жеңіске жетсе, қалғанында еуропалық құрамалардың мерейі үстем болды.
Фото:CLIVE BRUNSKILL/GETTY IMAGES