Қауіпсіздікті сақтамағаннан өрт шықса, үй иесі жазалана ма — министрлік жауабы

АСТАНА. KAZINFORM — Тұрғын үй иесінің өрт қауіпсіздігін сақтамау салдарынан тілсіз жау белең алса қандай жауапкершілік қарастырылған? Бұл сауалға Төтенше жағдайлар министрлігінің өкілі жауап берді.

— Өрт қауіпсіздігіне қатысты рейдтік іс-шаралар жаз айларында басталады. Рейд кезінде тұрғын үйлерді аралап, пеш жағуға қатысты қауіпсіздік ережелері бойынша нұсқама беріледі. Айта кететін жайт, рейд кезінде тұрғын үйдің иесіне айыппұл немесе басқа да жаза қолданылмайды, тек қана ескерту айтылады. Бірақ тұрғындардың өрт қауіпсіздігін сақтамауы салдарынан өрт шыққан жағдайда, әкімшілік құқық бұзушылық деп танылып, хаттама толтырылуы мүмкін, — деді ТЖМ өртке қарсы қызмет комитетінің бас маманы Елдос Зияда орталық коммуникациялар қызметі алаңында өткен баспасөз мәслихатында.

Айта кетейік, жыл басынан бері елімізде 1 мыңнан астам өрт шығу фактісі тіркеліп, 52 адам ажал құшты. 

Бірер күн бұрын Талғарда дөңгелек зауытынан шыққан өрт шыққан еді. Оқиға орнына Төтенше жағдайлар министрі Шыңғыс Әрінов барды.