Қай өңірдің тұрғындары ұзақ өмір сүреді

АСТАНА. KAZINFORM — 2024 жылы қазақстандықтардың өмір сүру ұзақтығы артты. Бұл туралы Ұлттық статистика бюросының баспасөз қызметі хабарлады. 

Қай өңірдің тұрғындары ұзақ өмір сүреді
Фото: Ағыбай Аяпбергенов/ Kazinform

— 2024 жылы Қазақстан Республикасы халқының өмір сүру ұзақтығы 75,44 жас, бір жыл бұрын бұл көрсеткіш 75,09 жыл деңгейінде болған. Қалада тұратын адамдар ауылдық жерге қарағанда ұзақ өмір сүреді, сәйкесінше 76,14 және 74,26 жас, — делінген хабарламада.

Гендерлік тұрғыдан алғанда, 2024 жылы әйелдер 79,42 жасқа дейін жасаса  (2023 ж. — 79,06), ерлер арасында 71,33 жас (2023 ж. — 70,99 жас).

Ұлттық статистика бюросының мәліметінше Алматыда тұратын адамдар ұзақ жасайды екен  — 78,78 жас, керісінше бұл көрсеткіш  Ұлытау облысында төмен екендігін көруге болады  — 72,48  жас.

Айта кетелік ТМД ішінде Қазақстан ең бақытты ел ретінде танылған еді

Соңғы жаңалықтар