Қай салалар мен өңірлерде жалақы жоғары – ұлттық статистика

АСТАНА. ҚазАқпарат – Елімізде 767 мыңға жуық ең жоғары орташа жалақыны тау-кен өндірісінде еңбек ететін қазақстандықтар алады, деп хабарлайды ҚазАқпарат Ұлттық статистика бюросына сілтеме жасап.

Орташа жалақы ең жоғары салалар:

- тау-кен өндіру – 766 555 теңге;

- қаржы және сақтандыру – 602 114 теңге;

- ақпарат және байланыс– 541 218 теңге.

Орташа жалақы ең төмен салалар:

- сумен жабдықтау, қалдықтарды жинау және өңдеу – 201 884 теңге;

- ауыл, орман және балық шаруашылығы – 179 388 теңге.

Орташа айлық жалақы жоғары өңірлер бестігі:

- Атырау облысы – 618 420 теңге;

- Маңғыстау облысы – 509 818 теңге;

- Ұлытау облысы – 450 889 теңге;

- Астана қаласы – 432 197 теңге;

- Алматы қаласы – 390 322.

Орташа айлық жалақы төмен өңірлер бестігі:

- Солтүстік Қазақстан облысы – 241 102 теңге;

- Жетісу облысы – 246 203;

- Шымкент қаласы – 254 202 теңге;

- Жамбыл облысы –– 254 646;

- Түркістан облысы – 257 874.

2023 жылғы І тоқсанда өткен жылдың тиісті кезеңімен салыстырғанда орташа айлық атаулы жалақының ең жоғарғы өсімі Атырау облысында тіркелді – 29,4%-ға. Ең төменгі өсімі Батыс-Қазақстан облысында байқалды – 11,9%-ға.

Еске салайық, бұған дейін І тоқсанда медиандық жалақы 225 мың теңге болғанын жазған едік.

Сондай-ақ Ұлттық статистика бюросы қай өңірлерде ер азаматтар көптігі туралы мәлімет ұсынды.