«Қайрат» — «Ақтөбе» кездесуі қай телеарнадан көрсетіледі

АСТАНА. KAZINFORM — Футболдан Қазақстан суперкубогындағы «Қайрат» (Алматы) — «Ақтөбе» кездесуі қай телеарнадан көрсетілетіні белгілі болды.

Жаңа маусымның шымылдығы 22 ақпанда сағат 15.00-де «Қайрат» — «Ақтөбе» кездесуімен ашылып, ойын «Qazsport» телеарнасынан тікелей эфирде көрсетіледі.

Бұл ойын елордадағы «Астана-арена» стадионында болады.

Былтыр алматылық клуб ел чемпионы атанса, ақтөбелік команда Қазақстан кубогына қол жеткізді. Екі команда суперкубокта алғаш рет кездеседі.

Екі команда бұған дейін 76 мәрте шеберлік байқасты. Оның 34-і «Қайраттың» басымдығымена яқталса, қалғанында ақтөбелік клубтың мерейі үстем болды. Соңғы үш кездесуде «Ақтөбе» жеңіске жетті.

Биыл суперкубок ойыны өз тарихында 17 мәрте өткізілмек. Қазірге дейін ол еліміздің Алматы («Орталық»), Астана («Астана Арена»), Қостанай («Тобыл Арена») және Түркістан («Түркістан-Арена») қалаларында болды.

Бұған дейін суперкубокке барлығы алты команда қол жеткізді. Олардың қатарында «Астана» — 6, «Ақтөбе» — 3, «Қайрат» пен «Тобыл» — 2, «Шахтер», «Ордабасы» мен «Елімай» — 1 мәртеден еншіледі.

Еске салсақ, бұдан бұрын «Ақтөбе» футбол клубының биылғы бюджеті белгілі болды.