«Қайрат» – КуПС ойыны: 1,5 мың полиция қызметкері қауіпсіздікті қамтамасыз етеді

АЛМАТЫ. KAZINFORM – Алматыда 29 шілде күні «Қайрат» пен КуПС арасындағы қарытма кездесу өтеді.

Алматы қаласы полиция департаментінің мәліметінше, UEFA Чемпиондар лигасының екінші іріктеу кезеңінде өтетін «Қайрат» және КуПС арасындағы ойында 1,5 мың полиция қызметкері қоғамдық тәртіп пен жол қауіпсіздігін қамтамасыз етеді.

– Ойынға көптеген жанкүйер жиналады деп күтіліп отыр. Осыған байланысты полиция күшейтілген тәртіпте жұмыс істейді. Қоғамдық тәртіпті сақтау, құқықбұзушылықтардың алдын алу және көлік қозғалысын реттеу мәселелеріне ерекше назар аударылады, - деп хабарлады полициядан.

Сондай-ақ департамент арнайы көлік құралдарының еркін қозғалысын қамтамасыз ету және көлік кептелісіне жол бермеу мақсатында Абай даңғылы – Байтұрсынов, Мұқанов және Сәтбаев көшелерімен шектелген аумақта автокөлік қозғалысына ішінара шектеу қойылуы мүмкін екенін ескертті. 

Еске салайық, Финляндияда өткен бірінші ойында «Қайрат» командасы КуПС-ке есе жіберді.