Қайрат Нұртас 15 тәулікке қамалады - Сот қаулысы

Сот отырысы
Фото: Видеодан алынған скрин

АСТАНА. KAZINFORM – Астана қаласының әкімшілік істер бойынша мамандандырылған соты Қайрат Нұртастың бұзақылық ісі бойынша қаулы шығарды.

«Қайрат Нұртасұлы Айдарбеков және Асылбек Бақытжанұлы Бекқайыров арасындағы бітімгершілікке келу туралы келісім бекітілсін. Әкімшілік құқықбұзушылық туралы кодекстің 73-1 бабының 1-бөлігі бойынша Қайрат Нұртасұлы Айдарбековке қатысты іс екі жақтың татуласуына байланысты тоқтатылсын», - деп жазылған сот үкімінде.

Сондай-ақ Қайрат Нұртасұлы Айдарбеков ҚР Әкімшілік құқықбұзушылық туралы кодекстің 434-бабы 2-бөлігі бойынша кінәлі деп танылды және оған 15 тәулікке қамауға алу жазасын тағайындалды.

Бірақ Қайрат Нұртас 15 тәулік мерзімін тағы да қысқартуға мүмкіндік сұрауда.

Еске сала кетсек, «Алматы-Астана» бағытындағы әуе рейсінде ұсақ бұзақылық және денсаулыққа қасақана жеңіл зиян келтіру фактісі бойынша әкімшілік іс қозғалған еді.

Бұған дейін сот отырысының қалай өткені баяндалған болатын. 

Соңғы жаңалықтар