«ҚазАгро» холдингінің 5 жылдығына орай жарияланған байқауға материалдар қабылданып жатыр

ТАНА. 18 қараша. ҚазАқпарат - «ҚазАгро» Ұлттық басқарушы холдингі» АҚ Қазақстан Республикасы Тәуелсіздігінің 20 жылдығы мен холдингтің 5 жылдығына орай агроөнеркәсіптік кешені саласында жүзеге асырылып жатқан жобалар туралы байқауға материалдар қабылдауда.

Конкурстың ұйымдастырушысы - «ҚазАгро» холдингі. Ұсынылатын материалдардың негізгі тақырыбы - Қазақстан халқына арналған Жолдауындағы Елбасының тапсырмаларын, агроөнеркәсіптік кешеніндегі мемлекеттік бағдарламаларды орындау бойынша мемлекеттің жұмыс нәтижелерін жариялау.

Естеріңізге сала кетейік, конкурсқа 2011 жылғы 1 қаңтар - 30 қараша аралығында жарыққа шыққан баспа және электрондық материалдар қабылданады. Ұсынымдарды қабылдау мерзімі - 2011 жылғы 1 желтоқсанына дейін.

Конкурстың 10 жеңімпазына «Планета электроники» дүкендер жүйесінде электр-тұрмыстық техника сатып алуға арналған жалпы сомасы 1 500 000 теңге сыйлықтық сертификаттар тапсырылады. Конкурстың нәтижесі 2011 жылғы 1 желтоқсанда шығарылып, марапаттау рәсімі Астана қаласында 7 желтоқсанында өтеді.