«ҚазАгро» ҰБХ диқандардан 26 500 теңге/тонна бағамен 2 миллион тоннаға дейін астық сатып алады
«Экономиканы жаңарту жөніндегі мемлекеттік комиссияның тамыздың 26-сында өткен отырысында «ҚазАгро» ұлттық басқарушы холдингі 26 500 теңге/тонна бағамен 2 миллион тонна астықты сатып алатыны туралы шешім қабылданды.
Астық Холдингке республикалық бюджеттен берілген қаражаттың, сондай-ақ «ҚазАгроның» меншікті қаражатының есебінен сатып алынады. Сатып алуды облыстар арасында егіннің жалпы түсіміне мөлшерлес бөлінетін белгіленген квота бойынша Холдингтің еншілес компаниясы - «Азық-түлік келісім шарт корпорациясы» ҰК» АҚ жүзеге асырады, делінген хабарламада.
ҚазАгроның Басқарма төрағасы Асылжан Мамытбековтың айтуынша, «2010 жылғы астықты сатып алу отандық ауыл шаруашылығы тауарларын өндірушілердің тиісті табыс деңгейінің сақталуына ықпал етеді, еліміздің азық-түлік қауіпсіздігін қамтамасыз етеді, сондай-ақ Қазақстан астығының экспорттық әлеуетін сақтайды». Бұдан басқа, қабылданатын шаралар ауылшаруашылық тауарын өндірушілерге көктемгі-егіс жұмыстарына дайындалуға мүмкіндік береді, сондай-ақ лизинг және несие төлемдері бойынша шаруалардың есеп айырысуы үшін қаражатпен қамтамасыз ету арқылы астық шаруашылықтарының қаржылық өтемпаздығын жақсартады.
Холдингтің баспасөз қызметінің ақпараты бойынша, сатып алудың шарттары Холдингтің және Азық-түлік корпорациясының сайттарында орналастырылатын болады.