Қазақ каратэшілері Фуджейрадағы жарысқа аттанды

АСТАНА. KAZINFORM – WKF каратэден Қазақстан юниорлар мен жастар құрамасы 20-23 ақпан аралығында каратэ 1 санатындағы Фуджейрадағы турнирге қатысады.

Қазақ каратэшілері Фуджейрадағы жарысқа аттанды
Фото: Каратэ федерациясы

Қазақстан каратэ федерациясының баспасөз қызметі атап өткендей, команда осы мақсатта Түркістан облысындағы Alma-Tau тау курортында оқу-жаттығу жиынын өткізді. Бұл – Ұлттық құраманың биылғы алғашқы жаттығу жұмысы. Барлығы жиынға 34 спортшы жиналып, алдағы халықаралық жарыстарға дайындығын пысықтады.

Команданың аға жаттықтырушысы – Токио Олимпиадасының қола жүлдегері Дархан Асаділов. 

Каратэ федерациясы
Фото: Каратэ федерациясы

Фуджейрадан кейін жас каратэшілеріміз Қазақстан чемпионаты мен ел ішіндегі рейтингтік жарыстарда сынға түседі. Осы арқылы биыл Қытайда өтетін Азия чемпионатына баратын команда жасақталады.

Фуджейра турнирі - ұзақ жылдан бері өтетін дәстүрлі жарыс. Мұнда жыл сайын кем дегенде 3 мың спортшы күш сынасады.

Естеріңізге сала кетейік, осыған дейін Қазақстан жастары қылыштасудан әлем кубогында топ жарғанын жазған болатынбыз.

Соңғы жаңалықтар