Қазақ-қырғыз шекарасының ашылуы ішкі нарықтағы бәсекені күшейтеді
«Қырғызстанда жеңіл және тамақ өнеркәсібі жақсы дамыған. Сондай-ақ, ол - ДСҰ толыққанды мүшесі. Енді екі ел арасындағы сауда қатынасы нығаяды. Киім-кешектен бастап, автомобильге дейін қазір Қырғыз елінен тасымалдап жатырмыз. Бұл, сөз жоқ, бөлшек сауданың дамуына әкеледі. Сондықтан, қырғыз тауарлары еніп біздің нарықтағы бәсеке күшейетін болды. Қазір бәсеке заманы, сондықтан бұл нормалды құбылыс. Қазақстанға тауарын өткізетін қосымша нарық ешқашан артық етпейді», - деді саясаттанушы.
Айта кетейік, Қырғыз Республикасының Еуразиялық экономикалық одаққа (ЕАЭО) мүше елдермен шекарасында кедендік бақылау бекеттерін алып тастау рәсімі ертең өтеді.
Қырғыз Республикасы мен Қазақстан арасында кедендік шекараның салтанатты ашылу рәсіміне екі ел басшысы қатысады.
Еске сала кетсек, Қырғыз билігі Кедендік одаққа кіру туралы шешімді 2011 жылдың көктемінде қабылдаған болатын. 2014 жылдың желтоқсанында Мәскеуде тараптар республиканың ЕАЭО-ға қосылуы туралы келісімге, ал мамырда оның үш хаттамасына қол қойды.