Қазақ ұлттық хореография академиясы Бакуде өнер көрсетеді

АСТАНА. ҚазАқпарат - Бүгін, 30 наурызда Бакуде Қазақ ұлттық хореография академиясының гала концерті өтеді, деп хабарлайды azertag.az.

Осы іс-шара алдындағы өткен брифингте Академияның кәсіби білім беру мектебінің жетекшісі  Светлана Кокшинова өздерінің Бакуге әлемдік балет жауһарларын әкелгенін айтқан. Көрермендер заманауи және қазақ стиліндегі хореографияны тамашалай алады.

Светлана Кокшинова гала-гонцерт Әзербайжанда тұңғыш рет өтетінін айтты. «Бұл жердегі сахна жай ғана таңдалып отырған жоқ, Қазақстан мен Әзербайжан түбі бір бауырлас түркі халықтары»,-деді ол.

Екі елдің де ұлттық хореография академиялары бұрыннан тығыз қарым-қатынаста.