ҚазАқпарат пен Катар жаңалықтар агенттігі өзара ақпарат алмасуға уағдаласты

ДОХА. ҚазАқпарат - Елбасы Нұрсұлтан Назарбаевтың Катар мемлекетіне ресми сапары аясында «ҚазАқпарат» халықаралық ақпарат агенттігі мен Катардың жаңалықтар агенттігі арасында меморандумға қол қойылды.

Құжатты Қазақстанның Катардағы Төтенше және Өкілетті Елшісі Асқар Шоқыбаев пен Катар жаңалықтар агенттігінің бас директоры Ахмад Саад әл-Буайнейн рәсімдеді. «Бұл құжатқа қол қоюға ҚазАқпарат агенттігі Қазақстанның Катардағы Елшісі ретінде маған өкілеттік берді. Жуық арада екі елдің ақпарат агенттіктері бір-бірімен ақпарат алмасып, өз елдерінде тарататын болады», - деді А.Шоқыбаев.