Қазақстан 3×3 баскетболдан U23 әлем кубогінде өнер көрсетеді
АСТАНА. KAZINFORM — Қазақстан ерлер құрамасы 3×3 баскетболдан Қытайдың Ухань қаласында өтетін 23 жасқа дейінгі ойыншылар арасындағы FIBA әлем кубогінде бақ сынайды.
Жарыс 15-19 қыркүйек аралығында өтеді.
Қазақстан құрамасы А тобында Германия, Нидерланд, Сербия және Тонга командаларымен кездеседі.
Қазақстан сапында Жәңгір Дүйсенов, Роман Байболов, Илья Пестов, Айболат Омаров және Азамат Жәнібеков өнер көрсетеді.
Еске салайық, бұған дейін Қазақстан дзюдо федерациясы Бакуде (Әзірбайжан) өтетін ересектер арасындағы әлем чемпионатына қатысатын балуандардың тізімін жариялаған еді.
