Қазақстан Ауғанстанға берген гуманитарлық жүктің құрамында не бар

None
КАБУЛ. ҚазАқпарат – Қазақстан Ауғанстанға жеткізген гуманитарлық жүк құрамында дәрі-дәрмек пен азық-түлік бар. Бұл туралы Үкіметтің Telegram-каналында мәлім етілді, деп хабарлайды ҚазАқпарат.

Бұған дейін хабарлағанымыздай, Премьер-Министрдің орынбасары – Сауда және интеграция министрі Серік Жұманғарин гуманитарлық және сауда миссиясымен Кабулға барды.

Мәлім етілгендей, гуманитарлық жүк құрамына дәрілік препараттар мен азық-түлік енген.

Дәрі-дәрмек қораптары әуе жолы арқылы жеткізілсе, жалпы көлемі 5 403 тоннаны құрайтын (81 вагон) негізгі гуманитарлық жүк теміржол көлігімен жөнелтілді.

Гуманитарлық көмек азық-түлік өнімдерінен (сүт консервілері, өсімдік майы, ұн, қарақұмық) тұрады.

«Президент тапсырмасы бойынша біз Қазақстан халқы атынан Ауғанстанға гуманитарлық көмек жеткізу үшін келдік. Гуманитарлық миссиямыз қасиетті Рамазан айына тұспа-тұс келіп отыр. Осынау мұсылмдандар үшін берекелі уақытта баршаға бейбітшілік пен тыныштық тілейміз», — деді Серік Жұманғарин.

Ауғанстанға сапары аясында Серік Жұманғарин сауда және өнеркәсіп, сыртқы істер, байланыс және телекоммуникация министрлерінің міндетін атқарушы, вице-премьер міндетін атқарушы Абдул Гани Барадармен кездесті.


Соңғы жаңалықтар
telegram