Қазақстан Ауғанстанға қару-жарақпен көмек көрсетеді - Н.Назарбаев

ҚР Президентінің атап өтуінше, келіссөздер барысында қазіргі болып жатқан ахуал, Ауғанстанның ішіндегі жағдай, Орталық Азия елдеріне қандай қауіп бар, бірлесіп не істеу керек, құқық қорғау органдары, арнайы органдар бірлесіп лаңкестікке қарсы қандай шаралар атқаруы керек деген мәселелер егжей-тегжейлі талқыланған.
«Бүгінгі болатын министрлер арасындағы кездесулерде олардың барлығы талқыланатын болады», - деді Елбасы.
Сонымен қатар Мемлекет басшысының айтуынша, есірткі мәселесі де кеңінен қозғалған. Қазақстан өз ішінде де есірткімен күресті жолға қойған. Дегенмен, еліміз ауған тарапынан да есірткі таралымына қарсы тұруға қол ұшын береді деп сенеді.
«Ауғанстан азамат соғысы жүріп, онымен күресіп жатқан ел. Сондықтан да қару-жарақ жағынан да сіздерге көмек керек. Оны да біз қарастыратын боламыз», - деді Н.Назарбаев.