Қазақстан аймақтарында қар, жел, тұман, көктайғақ болады деп күтілуде - 5 қаңтарға ауа райы болжамы
Маңғыстау, Атырау, Қостанай, Ақмола, Қарағанды, Қызылорда облыстарында кейбір жерлерде тұман, Атырау облысында - күндіз кейбір жерлерде 15-20 м/с екпінде жел тұрады деп күтілуде.
Оңтүстік Қазақстан, Жамбыл облыстарында кейбір жерлерде тұман, көктайғақ, желдің секундына 15-20 метрге дейін күшеюі мүмкін, Оңтүстік Қазақстан облысында - түнде таулы аймақтарда қалың қар жауады.
Шығыс Қазақстан облысының Жарма ауданында желдің екпіні секундына 17-22 метрге жетеді, жаяу борасын болады.
Алматы облысында кейбір жерлерде тұман, Жалаңашкөл ауданында секундына 17-22 метр күшпен жел соғады.
Таяудағы тәуліктерде Қазақстанның көптеген су нысандарында мұз орнау процесі жалғасады. Республиканың оңтүстік, оңтүстік-шығыс және шығысында су деңгейлерінің ауытқуы байқалады, бөлек өзендерде су деңгейінің көтерілуі мүмкін.